АЛХАС КӘЫҴНИА
ИХАДОУ АҦЫЖӘАРА ЗМОУ АЛХРА АЛАМҬАЛАЗТӘИ АПРОГРАММА
1. АМИЛАҬТӘ ЗҾЛЫМҲАРА
• Азакәан аиҿкаара
• Ҳауаажәлар рыҩнуҵҟа «Аҧсуара» традициак аҳасаб ала аиқәырхара, арҿиара
• Дарбанзаалак атәылауаҩ ицхраара, Аҧсны аҳәынҭқарраҿы ауаҩытәыҩса иҧсҭазаара аҩаӡара ашьҭыхра
• Амилаҭҭә еканомика арҿыцра.
• Аамҭа иазҧҵәо аҧҟарақәа инарықәыршәаны ауаҩытәыҩса иҧсҭазаара аиҕәтәра шьаҭас измоу Аҳәынҭқарра иаша аргылара.
2. ИҔӘҔӘО АМЧРА АИҾКААРА
• Аҵарҭышагара аҿагылара
• Аҳәынҭқарра амаҵ азызуеи, аус зуа ауааҧсыреи рхашәала агәаҭаразы азакәанҧҵара адкылара
• Анагӡаратә мчрақәа рҿы аиҭакрақәа ралагалара. Аҧсны аҳәынҭқарра ахадеи, жәлар реизареи (апарламенти), атәыла аиҳабыреи рыҩнуҵҟа азинқәа реихшара
• Атәыла аиҳабыраҿы аелектронтә-қьаадтә система аиҿкаара
• Урыстәыла иҟанаҵо ихықәку абиуџьеттә цхыраара ицқьаны аихшара, аныхра
• Азанааҭтә принципла акадрқәа реиқәыршәара
• «Акадрқәа ррезерв» апроект анагӡара, аҿар амчра радыҧхьалара
3. АНҬЫҴТӘИ АПОЛИТИКА
• Урыстәылеи Аҧсни ҧхьаҟатәи рстратегиатә хеидкыла, ргәреибагара аиҭашьақәыргылара, арҕәҕәара
• Аҧсны аҳәынҭқарра адунеи зегьы иазхарҵартә еиҧш адипломатиатә усурақәа рымҩаҧгара
• Аҧсни уи анҭыҵи иҟоу ҳауаажәлар рзинқәа рыхьчара
• Аҧсни Урыстәылеи рыбжьара иаку аекономикатә қәыҧшылара
ашьақәыргылара
4. АУААЖӘЛАРРАТӘ ШӘАРҬАДАРА
• Азинхьчаратә еиҿкаарақәа рыҟны амаҭәартә-техникатә шьаҭа
аиҕьтәра.
• Амилаҭҭә полициа амаҵзура аиҿкаара.
• Аҩныҵҟатәи аусқәа рминистрра иаҵанакуа аекономикатә цәгьоу-
рақәа раҧырҟәҟәара аҟәша аҧыхра.
Аҧсныҳәынҭавтоинспекциа аҧыхра, акриминал аҧырҟәҟәаразы
аполициатә патрультә система алагалара.
• Азинхьчаратә еиҿкаарақәа рзы иаку адыррақәа рбаза аиҿкаара.
• Амилициатә школ Аполициа академиа астатус аҭара. Азҟазацәа
ҿыцқәа разыҟаҵара, убасгьы азинхьчаратә еиҿкаарақәа русзуҩцәа
рдырра аҩаӡара аизырҳара.
• Заанаҵтәи аҭҵааратә-гәаҭаратә усқәа, аҩныҵҟатәи аусқәа рмини-
стрреи аҳәынҭқарратә шәарҭадаратә маҵзуреи реилазаара адгра,
хадара зуа иаку заанаҵтәи аҭҵааратә-гәаҭаратә усбарҭа аиҿкаара.
• Аҩныҵҟатәи аусқәа рминистрра аштатқәа реихшанҵа
аиҭахәаҧшра. (Еиду амилаҭҭә еиҿкаара - ООН абжьгара ала 300 ҩык
100 000 ауаҧсыра рзы). Иҵаҵҕәырку армаҷрақәа Урыстәылеи егьырҭ
аҳәынҭқаррақәеи рҧышәа ҳасаб азуны.
• Еизаку аинформациатә-техникатә система змоу ашәарҭадара
«Ишәарҭадоу ақалақь» ашьақәыргылара.
5. АГӘАБЗИАРАХЬЧАРА АСИСТЕМА АИҬАКРАҚӘА
• Технологиала зыҩаӡара ҳараку амедицинатә цхыраара.
• Атәылауаа амедицинатә ҧгаҧсагала реиқәыршәара.
• Раҧхьаӡатәи амедициантә цхыраара аҩаӡара ашьҭыхра.
• Аҧсны амедицинатә препаратқәа ралагалараан аҳәынҭқарраҿы ахылаҧшра ҕәҕәа аҟаҵара.
• Амедицинатә усзуҩцәа еснагь рдыррақәа рыҩаӡара ашьҭыхра.
• Хыҧхьаӡара рацәа адиагностикатә центрақәа раартра.
• Агепатит, АИВ (ауаҩы иммуназымхаратә вирус) арҧҟәҟәаразы адиспансертә гәаҭарақәа рымҩаҧгара.
• Ахатәы медецинатә центрқәа раартразы аинвесторцәа радыҧхьалара.
6. ЗХАҬАШЬА ҲАРАКУ АҬҴААРАДЫРРА
• Аамҭа иақәшәо аҭҵаарадырратә стандартқәа реиҿкаара.
• Хымҧада аҵараиурҭақәа зегьы рыҟны аҳәынҭқарратә бызшәала
арҵаратә процесс амҩаҧгара.
• Аҧсуа бызшәа арҵараҿы ҩ-вариантк рхархәара: актәи еиҳа имари-
оу, аҩбатәи шьаҭалатәи арҵара.
• Ақыҭақәа рҿы ашколқәа рыргылара, аиҭашьақәыргыларатә
усуарқәа рымҩаҧгара.
• Еснагь арҵаҩцәа рзанааҭҭә дыррақәа разырҳара.
• Арҵаҩцәа рзанааҭтә ҩаӡара ашьҭыхра, 100 % руалафахәы ацҵара.
• Иреиҳау аҵараиурҭақәа ирҭало рзы адҵақәа рырҕәҕәара.
• Аҳәынҭқарраҿы зда хәарҭа ыҟам азанааҭқәа раиуразы азанааҭҭә-техникатә ҵараиурҭақәа, аколлеџьқәа раҧшьгара.
• Аҧсны азы аҧыжәара змоу азаанаҭқәа рыла анҭыҵ аҵара зҵо астудентцәа финансла реиқәыршәара.
7. АҾАРТӘ ПОЛИТИКА
• Адоуҳатә-патриоттә ҵасла рааӡара.
• Зҵара хзыркәшаз ҭыҧла реиқәыршәараҿы азакәан аиҿкаара.
• Аҿар аспорттә ҧсҭазаара рыларҵәара.
• Араионқәа зегьы рыҟны аспортә ҭыҧқәа реиҿкаара.
• Жәларбжьаратәи аҿартә конференциақәа, афорумқәа рҽалархәра.
• Аҭҵаарадырра, акультура, аполитика, абизнес рхырхарҭақәа рзы аклубқәа реиҿкаара.
• Ҿыц аҭаацәара аҧызҵази ахшара рацәа змоуи рзы аҳәынҭқарраҿы азинҷыда рзаҧҵара, нхарҭатә ҭыҧла реиқәыршәара.
• Зхатәы бизнес аҧшьызго аҿар рзы акредит азоужьра.
8. АВЕТЕРАНЦӘЕИ АХЫМХӘАЦӘЕИ РЫЦХРААРА
• Аҧсны жәлар 1992-1993 шықәсқәа рзтәи рџьынџьтәылатә еибашьра аветеранцәа рзы азакәан адкылара.
• Аибашьра аветеранцәеи ахымхәацәеи ртәанчахәы 50 % ашьҭыхра.
• Аҳәынҭқарраҿы аветеранцәеи ахымхәацәеи ргәабзиара аиҭашьақәыргылара иазку ацентрқәа реиҿкаара.
• Аусура зылшо зегьы хымҧада усурҭа ҭыҧла реиқәыршәара.
9. АМИЛАҬТӘ ЕКОНОМИКА АРҾЫЦРЕИ АШЬҬЫХРЕИ:
• Ахықәкы — Аҧсны Амшынеиқәаҿықәтәи арегион аҟны економикала ҧхьагылара зуа ҳәынҭқарзароуп.
• Ашәахтәқәа рзы арҿыцрақәа алагалара. Аҳәынҭқарреи абизнеси реимадараҿы ииашахаҭоу аизыҟазаашьа змоу, иҿыцу ашәахтә кодексқәа раҧшьгара.
• Аҳәынҭқарра аҿынтә аконсиерж-сервис аиура, зҳәаа ҭбаау аинвестициатә проектқәа радгыларазы.
• Аҳәынҭқарраҿы акорпорациатә еизҳара аиҿкаара.
• Акономикаҿы аҽеиҭакрақәа, аҧареикәыршара иацхраауа ашәага-загақәа аҧҵара.
• Ааглыхратә шәарҭадара. Аҧсны аҩныҵҟеи уи анҭыҵи азы ақыҭанхамҩатә аалыҵ аарыхра аиҿкаара, убасгьы иара аиҭаусдулара амҩаҧгара.
• Абатә ааглыхқәа раартра.
• Ихәарҭоу аҵыхтәқәа рҧыхьашәара, аиҭаусдулара.
• Имаҷуи иабжьаратәуи абизнес азы изинҷыдоу акредитқәа радгылара.
• Адкылаҩцәа рбизнес планқәа рырҿиара иадҳәалоу апроектқәа аҳәынҭқарра аҟнытә адгылара аиура.
10. АИНВЕСТОРЦӘА РАДЫҦХЬАЛАРА:
• Аҧышәақәа рхархәара аҳәынҭқарратә гарантиа аиуразы.
• Аинвесторцәа радыҧхьалара, аҵәахыртаҭә банкқәа ргарантиа аҧшьгара.
• Аргыларақәа ҧгаҧсала реиқәыршәара.
• Апроектқәа аекспорттә финанстә цхыраара роуразы алагалақәа рыҟаҵара.
• Абанкқәа иахьынӡалшо русура армариара.
• Аелектронтә ҧарашәара асистема арҿыцра, аизырҳара.
• Акредитқәа риуразы абанкқәа русеицура.
• Аҳәынҭқарреи хаҭалатәи адкылаҩцәеи русеицура азы азакәан аҧҵара.
11. АИНФРАСТРУКТУРАТӘ ПРОЕКТҚӘА РАЛЫРҴӘАРА
• В.Г. Арӡынба ихьӡ зху Аҟәатәи аҳаирбаҕәаза ҳаамҭа иақәшәо арҿыцра, аус арура.
• Есышықәса 50 км акатран ашьҭаҵара, амҩадуқәа реиҭашьақәыргылара.
• Амшынбаҕәаза «АҞӘА» Амшынеиқәа иаҵанакуа акваториаҿы амшынтә еимадарала аиқәыршәара.
• Очамчыра аидаратә мшынбаҕәаза арҿыцра.
• Иҷыдоу аекономикатә цәаҳәа аизырҳара.
• Атранзиттә транспорртә коридорқәа реиҿкаара.
• Инагӡоу аинфаструктура змоу аинвестициақәа раҧшьгара.
12. АКУРОРТТӘ СФЕРА
• Аҳәынҭқарра ҧымкрада еснагь ахатәы харџьла Аҧсны аҧсшьарҭа
ҭыҧқәа анҭыҵ рӡыргара иадҳәалоу аусқәа мҩаҧнагалароуп.
• Еиҿнакаалароуп атуризми аҧсшьарҭатә ҩнқәеи рырҿиара иадҳәалоу ахатәы стандартқәа.
• Аҧсшьарҭатә ҩнқәеи акурортә сфереи реиқәыршәага маҭәарқәа аҳәааҿы рахыгаразы азинҷыдақәа аҧҵатәуп.
• Амшын, ашьха иадҳәалоу атуризм, ашьха-шәаҩатә (горнолыжный)
акурорт, аҧшьаныҟәара, акурорттә санаториақәа, агәабзиара ачаҧаратә ҭыҧқәа рырҿиаразы аивнесторцәа радыҧхьалара.
• Акуроттә бизнес ҿыц аҧшьызгаз хәышықәса ашәахтәқәа рҿынтә рхы рақәиҭҭәра.
13. АҚЫҬАНХАМҨА
• Раион цыҧхьаӡа еиҿкаатәуп анхацәа рырахәааӡарҭатә ҭыҧқәа.
• Анхацәа техникалеи адгьыл рҵәыгатә маҭәарқәеи рыла реиқәыршәара.
• Еиҿкаатәуп аалыҵ аихшареи аҵәахырҭатә еилакқәеи рҭыҧ аҧшьгара.
• Аҳәынҭқарра ақыҭанхамҩатә аалыҵ азы аҿаҵахьа аланагалароуп.
• Арахәааӡаратә ҭыҧқәа реиҿкаара.
• Иахьынӡалшо ақыҭанхамҩатә ааглых азы ашәахтә армаҷра.
• Ақыҭа аинфраструктура аизырҳара.
• Аҧсны иалсуеи иаланагалои афатә ахаҭабзиара аҳаракыра гәазҭо,
ҳаамҭа иақәшәо афатә-гәаҭаратә лабораториақәа раартра.
14. АҴАРҬЫШАГАРА АҾАГЫЛАРА
• Аҵарҭышагара аҿагылара иадҳәалоу азакәан адкылара, аҳәынҭқарра амаҵ азызуа ачынуаа, иара убасгьы рҭынхацәеи рхашәала агәаҭара. 14 ахәҭаҷ «Аҵарҭышагара аҿагылара» иаҵанакуа ацәгьоурақәа рсиа рхыҧхьаӡара ацҵара, азакәан арҕәҕәара.
• Аамҭа ахылахьазаргьы хымҧада ирыхәаҧштәуп ахараҧсатә санкциақәа, аҵарҭыша згаз имал имхрала.
• Зҿҳәара ииасхьоу, хра злаӡам ауснагӡатәқәа ииашам ҳәа азгәаҭаны, мап рцәыкра.
• Аҳәынҭқарраҿы ауаажәларратә маҵзура иадҳәалоу азакәанқәа реидкыла аҧҵара.
• Аҳәынҭқарраҿы атәылауаҩратә маҵзура азакәанҧҵараратә аиҿкаарала аларҵәара.
• Аҳәынҭқарра амҩаҧгара иадҳәадоу иҷыдоу аҳәынҭқарратә маҵзурақәа реиҿкаара.
• Ашәахтәқәа реизгареи рхылаҧшреи рзы асиситемақәа реиҿкаара.
Хыхь иззааҭгылоу ахәҭақәа зегьы ҳауаажәлари, ҳаҧсадгьыл ҧхьаҟатәи аҧеиҧш знапы иану аҿари рыҧсҭазаара аиҕьтәра иадҳәалоуп. Сара хаҭала Аҧсны Аҳәынҭқарра ахадараҿы снеир исылшо зегьы ҟасҵоит, ҳаамҭа иақшәо, идемакраттәу аҳәынҭқарра ашьақәыргыларазы, дарбанзаалак атәылуаҩ иҧсадгьыл аизҳара, аҿиара ибарҭахартә еиҧш.
— Алхас Кәыҵниа
АИМАДАРА
Алхас Кәыҵниа — Аԥсны Аҳәынҭқарра Ахадарахьы
акандидат иштаб
Ақ. Аҟәа, Лакоба имҩаду, 103
Аҭел: +7 940 770-00-70
Шәидгыл Алхас Кәыҵниа!
Аҧсны Аҳәынҭқарра ахадарахьы акандидат Алхас Кәыҵниа иалхратә штаб